კონფიდენციალურობის პოლიტიკა

1. მოქმედების სფერო და ოპერატორი

Fitroom („Fitroom“, „ჩვენ“ ან „ჩვენი“) უზრუნველყოფს მობილურ აპლიკაციას სახელწოდებით Fitroom: კალორიების ტრეკერი („Fitroom აპლიკაცია“), ამ ვებგვერდსა და დაკავშირებულ სერვისებს (ერთად, „სერვისი“). Fitroom ოპერირებს თბილისიდან, საქართველო. ეს პოლიტიკა ვრცელდება სერვისის მეშვეობით დამუშავებულ ინფორმაციაზე და არ ანაცვლებს Apple-ის, Google-ის ან სხვა სერვისების წესებს.

Fitroom არის კვებისა და ფიტნესის დამხმარე ხელსაწყო და არა სამედიცინო სერვისი. ჯანმრთელობის, კვების, სხეულის პარამეტრებისა და საკვების ინფორმაციას განვიხილავთ როგორც სენსიტიურ მონაცემებს და ვიყენებთ მხოლოდ სერვისის გასაუმჯობესებლად. ჩვენ არ ვიყენებთ ამ მონაცემებს რეკლამისთვის ან მარკეტინგისთვის.

2. მონაცემები, რომლებსაც ვაგროვებთ

ჩვენ ვაგროვებთ თქვენ მიერ მოწოდებულ, სერვისით სარგებლობისას გენერირებულ, მოწყობილობის დიაგნოსტიკურ და დაკავშირებული სერვისებიდან მიღებულ ინფორმაციას. კატეგორიები აღწერილია ქვემოთ.

ჩვენ შეიძლება შევქმნათ ანონიმური სტატისტიკა, რომელიც თქვენთან არ ასოცირდება. ჩვენ არ ვცდილობთ ამ ინფორმაციის დეანონიმიზაციას.

3. მოწყობილობის ნებართვები და დაკავშირებული სერვისები

მოწყობილობის ფუნქციებზე წვდომა ნებაყოფლობითია. აპლიკაცია ითხოვს ნებართვას კონტექსტის შესაბამისად. ნებართვების შეცვლა შეგიძლიათ ნებისმიერ დროს ტელეფონის პარამეტრებიდან.

კამერა

კამერაზე წვდომა გვჭირდება საკვების ფოტოს გადასაღებად. კამერა არ გამოიყენება უწყვეტი ჩაწერისთვის. ასევე შეგიძლიათ მონაცემები შეიყვანოთ ხელით.

ფოტოები

გალერეაზე წვდომა გვჭირდება შენახული ფოტოს ასარჩევად. Fitroom ამუშავებს მხოლოდ თქვენ მიერ არჩეულ ფოტოებს. მონაცემები არ გამოიყენება რეკლამისთვის.

შეტყობინებები

შეტყობინებების ნებართვას ვითხოვთ შეხსენებებისა და სერვისული შეტყობინებების გამოსაგზავნად. შეტყობინებები ნებაყოფლობითია და მათი გამორთვა შესაძლებელია ნებისმიერ დროს.

Apple Health და Health Connect

ჯანმრთელობის აპლიკაციებთან კავშირი ნებაყოფლობითია და არის მხოლოდ წაკითხვის რეჟიმში. Fitroom არ წერს მონაცემებს Apple Health-ში ან Health Connect-ში.

მოწყობილობიდან გამომდინარე, სისტემურმა ნებართვამ შეიძლება მოითხოვოს წვდომა სხვადასხვა აქტივობაზე, ვარჯიშებზე, ნაბიჯებზე, წონაზე, სიმაღლეზე, პულსზე, ძილსა თუ კვების მონაცემებზე.

ჩვენ არასდროს ვიყენებთ HealthKit ან Health Connect-ის მონაცემებს რეკლამისთვის, მარკეტინგისთვის ან მონაცემთა გაყიდვისთვის. მესამე მხარეს მონაცები გადაეცემა მხოლოდ ფუნქციონირების მიზნით, კანონის შესაბამისად.

ავტორიზაცია და გამომწერები

Apple-ით ან Google-ით ავტორიზაციისას, პროვაიდერი გვაწვდის სახელსა და ელფოსტას. გამოწერისას გადახდას ამუშავებს Apple ან Google, Fitroom კი იღებს მხოლოდ გამოწერის სტატუსს.

4. როგორ ვიყენებთ ინფორმაციას

ჩვენ ვიყენებთ ინფორმაციას რათა:

• შევქმნათ, დავიცვათ და მხარი დავუჭიროთ თქვენს ანგარიშს;
• გავაანალიზოთ საკვები და ვაწარმოოთ კვების დღიური;
• დავთვალოთ კალორიები, მაკროები, წონა და პროგრესი;
• მოვახდინოთ მონაცემთა სინქრონიზაცია სხვადასხვა მოწყობილობას შორის;
• უზრუნველვყოთ ნებაყოფლობითი კავშირი Apple Health-თან ან Health Connect-თან;
• ვმართოთ Fitroom Pro-ს უფლებები და შესყიდვები;
• გამოგიგზავნოთ შეხსენებები და სერვისული შეტყობინებები;
• შევაფასოთ საიმედოობა, გამოვავლინოთ ხარვეზები და გავაუმჯობესოთ სერვისი;
• ვუპასუხოთ მხარდაჭერის, კონფიდენციალურობისა და სამართლებრივ მოთხოვნებს; და
• დავიცვათ კანონი, შევასრულოთ პირობები და დავიცვათ მომხმარებლები და Fitroom.

მონაცემთა დამუშავების სამართლებრივი საფუძველია ხელშეკრულების პირობების შესრულება, თქვენი თანხმობა, ჩვენი კანონიერი ინტერესები და სამართლებრივი ვალდებულებების დაცვა. თანხმობის უკან გაწვევა შეგიძლიათ ნებისმიერ დროს.

5. საკვების AI ანალიზი

Fitroom იყენებს მესამე მხარის ხელოვნურ ინტელექტს (AI) საკვებისა და პორციების დასადგენად. როდესაც აგზავნით ფოტოს ან აღწერას, ეს მონაცები გადაეცემა ჩვენს AI პროვაიდერებს ანალიზისთვის, რის შემდეგაც პასუხი ბრუნდება აპლიკაციაში.

ჩვენ ვიყენებთ მონაცემებს მხოლოდ მოთხოვნილი ფუნქციის შესასრულებლად და სერვისის გასაუმჯობესებლად. AI პროვაიდერებს არ აქვთ უფლება გამოიყენონ თქვენი მონაცემები რეკლამისთვის. გთხოვთ, ფოტოებში ნუ ასახავთ სახეებს ან პირად დოკუმენტებს.

AI შედეგები მიახლოებითია და შეიძლება იყოს არაზუსტი. ისინი არ უნდა იქნას გამოყენებული სამედიცინო მიზნებისთვის, ალერგიის ან კვებითი აშლილობის სამართავად.

6. ინფორმაციის გაზიარება

ჩვენ არ ვყიდით პირად მონაცემებს. ინფორმაცია გადაეცემა პარტნიორებს მხოლოდ საჭიროების შემთხვევაში:

• ინფრასტრუქტურის პროვაიდერები მონაცემთა ბაზების, ავტორიზაციის, ჰოსტინგისა და სერვერების უსაფრთხო მუშაობისთვის.
• AI ანალიზის პროვაიდერები საკვების ფოტოებისა და აღწერილობების გასაანალიზებლად.
• ანალიტიკისა და საიმედოობის პროვაიდერები ხარვეზების აღმოსაფხვრელად და აპლიკაციის მუშაობის გასაუმჯობესებლად.
• აპლიკაციების მაღაზიები და გამოწერის პროვაიდერები შესყიდვების, გამოწერების, გაუქმებებისა და ტრანზაქციების სამართავად.
• იდენტიფიკაციის პროვაიდერები ავტორიზაციისთვის (Apple, Google და სხვა).
• ვებგვერდისა და კომუნიკაციის პროვაიდერები ვებგვერდის ჰოსტინგისთვის, მოლოდინის სიისა და ელფოსტის შეტყობინებებისთვის.
• პროფესიონალი მრჩევლები და ორგანოები კანონმდებლობის დასაცავად, თაღლითობის გამოსავლენად ან უფლებების დასაცავად.

ყველა პარტნიორს მოეთხოვება მონაცემების უსაფრთხოების და კონფიდენციალურობის მკაცრი დაცვა.

7. რეკლამა და თრექინგი

აპლიკაციაში არ არის მესამე მხარის რეკლამები. ჩვენ არ ვიყენებთ კვების ან ჯანმრთელობის მონაცემებს მარკეტინგისთვის. iOS აპლიკაცია არ ითხოვს თრექინგის ნებართვას (App Tracking Transparency) და არ ადევნებს თვალს თქვენს აქტივობას სხვა აპლიკაციებში.

ჩვენ ვიყენებთ ზოგად ანალიტიკას აპლიკაციის ხარისხის გასაუმჯობესებლად. ეს სერვისები არ იყენებენ თქვენს მონაცემებს რეკლამისთვის.

8. მონაცემების შენახვა და წაშლა

მონაცემები ინახება თქვენი ანგარიშის აქტიურობის პერიოდში. მოლოდინის სიის ელფოსტა ინახება გაშვებამდე ან წაშლის მოთხოვნამდე.

ანგარიშის წაშლა შეგიძლიათ ნებისმიერ დროს აპლიკაციიდან: პროფილი → ანგარიში → ანგარიშის წაშლა, ან მოთხოვნის გამოგზავნით ელფოსტაზე: contact@fitroom.ge. ანგარიშის წაშლა შეუქცევადია. ჩვენ მაშინვე ვბლოკავთ წვდომას და ვშლით ყველა პირად ინფორმაციას, მათ შორის კვების ისტორიას, ფოტოებს, მიზნებსა და ჯანმრთელობის მონაცემებს. სარეზერვო ასლებიდან მონაცემების სრულად წაშლას შეიძლება დასჭირდეს 30 დღე.

ჩვენ შეიძლება შევინახოთ მხოლოდ ის ინფორმაცია, რომლის შენახვასაც გვავალდებულებს კანონი (მაგ. ტრანზაქციები ან საგადასახადო ჩანაწერები).

9. პარამეტრები და ნებართვების მართვა

• ანგარიშის მონაცემები: განაახლეთ პროფილი და მიზნები აპლიკაციიდან, ან წაშალეთ ანგარიში.
• Apple Health: შეცვალეთ წვდომა ჯანმრთელობის აპლიკაციიდან (პროფილი → Apps → Fitroom).
• Health Connect: შეცვალეთ წვდომა Health Connect პარამეტრებიდან (App permissions → Fitroom).
• კამერა, ფოტოები და შეტყობინებები: შეცვალეთ ტელეფონის პარამეტრებიდან. შეხსენებების გამორთვა ასევე შესაძლებელია აპლიკაციიდან.
• ავტორიზაციის პროვაიდერი: წვდომა შეგიძლიათ მართოთ Apple-ის ან Google-ის პარამეტრებიდან.
• მოლოდინის სია და შეტყობინებები: დაგვიკავშირდით ელფოსტის წასაშლელად ან სიიდან გამოსაწერად.

ნებართვის გაუქმება არ შლის უკვე სინქრონიზებულ მონაცემებს. წასაშლელად გამოიყენეთ ანგარიშის წაშლის ფუნქცია.

10. უსაფრთხოება და საერთაშორისო გადაცემა

ჩვენ ვიყენებთ უსაფრთხოების თანამედროვე ზომებს მონაცემთა დასაცავად, თუმცა აბსოლუტური უსაფრთხოების გარანტია არ არსებობს. დაიცავით თქვენი მოწყობილობა და ანგარიშები.

მონაცემები შეიძლება დამუშავდეს საქართველოში, აშშ-ში, ევროპასა და სხვა ქვეყნებში, სადაც ჩვენი პროვაიდერები ოპერირებენ.

11. ბავშვები და მოზარდები

აპლიკაცია არ არის განკუთვნილი 16 წლამდე ასაკის ბავშვებისთვის. 16 და 17 წლის მოზარდებმა აპლიკაციით უნდა ისარგებლონ მშობლის ნებართვით. აპლიკაციის მონაცები არ ცვლის ექიმის კონსულტაციას.

თუ ფიქრობთ, რომ 16 წლამდე ბავშვმა მოგვაწოდა ინფორმაცია, დაგვიკავშირდით მის წასაშლელად.

12. თქვენი უფლებები

თქვენ გაქვთ უფლება მოითხოვოთ მონაცემებზე წვდომა, მათი შესწორება, წაშლა, გადატანა ან დამუშავების შეზღუდვა. უფლებების გამოყენებისთვის დისკრიმინაცია არ დაიშვება.

მოთხოვნები გამოგზავნეთ აქ: contact@fitroom.ge. ჩვენ შეიძლება მოგთხოვოთ პირადობის დადასტურება. პასუხს გაგცემთ კანონით დადგენილ ვადებში.

13. ცვლილებები პოლიტიკაში

ეს პოლიტიკა შეიძლება განახლდეს. ცვლილებების შესახებ ინფორმაციას გამოვაქვეყნებთ აქ. მნიშვნელოვანი ცვლილების შემთხვევაში, წინასწარ შეგატყობინებთ.

14. კონტაქტი

კითხვებისთვის, უფლებების გამოყენებისთვის ან მონაცემთა წასაშლელად: